S’assessori a s’Autonomia e a sa Cultura de sa Lombardia Istevini Brunu Galli est indagau de sa procura de Genova po s’indagu in pissu de is corantanoi milionis de sa Lega, su partidu cosa sua e totu. Dinari chi su partidu de Salvini iat pigau in su 2008, 2009 e 2010 e in pissu de su cali sa Cassatzioni, su ses de austu passau, iat nau ca non ci podiat fairi nudda poita funt passaus is tempus, ma iat cundannau, su matessi a nde ddus torrai a su Stadu.
Sa curpa de Galli, in calidadi de presidenti de su Sotziu Maroni Presidente, chi narat sa magistradura est cussa de riciclagiu. Is finantzieris ant forrogau is uficius e is domus de s’assessori in Milanu (finas in is aposentus de sa Regioni), Monza e Lecco.
Galli est finas indagau po airi umperau su dinari chi beniat de atrus reatus (cussus de Umbertu Bossi cun Franciscu Belsito) sempiri cun su matessi Sotziu.
Foto: https://www.globalist.it/news/2019/12/10/il-leghista-stefano-bruno-galli-indagato-per-i-49-milioni-sospetto-riciclaggio-2050211.html
