S’abba meda chi at fatu s’atra dì in totu sa parti bascia de sa Sardigna no est giuada po nudda a s’agricoltura, aici fait sciri sa Coldiretti.

Su Sulcis, su Mediu Campidanu, su Sarrabus e is campagnas in is orus de Casteddu funt is zonas chi ant pagau prus de is atras. Abba, abba meda apetotu, in is campus chi non fait a ddus biri in calegunu casu s’est perdiu totu. Conciofa cun arangiu e mandarinu de prus de dogna atra cosa.

Giustu sa conciofa non ddi teniat propriu abbisongiu de totu cust’abba chi est erribada. A innantis su calori meda finas a is primus dis de Sant’Andria e a pustis cussu chi est erribau ant fatu dannus a totu sa produtzioni. Si nd’agatat pagu ded conciofa in is butegas e est unu dannu mannu po totu sa Sardigna chi paris a Sicilia e Puglia est cussa chi ndi produsit de prus.

“Oi is socius nos ant lamau, de totu is partis de su Sud Sardegna, po nosi fairi sciri totu is dannus de s’abba”, faint sciri de sa Coldiretti, “spereus de pigai is agiudus chi serbint ca a pagai, po custu tempus macu, seus sempiri nosu, is produtoris”.

 

 

 

Foto:http://www.foggiatoday.it/foto/cronaca/campi-allagati-tra-tavernola-e-borgo-mezzanone-foto-di-pellegrino-riccio/