Su Casteddu non si frimat prus. Bincit cun sa Spal po du a zeru, segnant Nainggolan cun Faragò, e de ses partidas non perdit prus. In prus a totu custu si pigat su cuintu postu de sa classifica cun cuindigi puntus. Chena cuddas duas partidas faddias cun su Brescia e cun s’Inter aunia podiat essiri custu bellu Casteddu? Nono tocat a noi a ddu nai, ca giai est beru chi in cussas partidas is piciocus de Maran meritaiant de prus ma est finas beru ca in Napoli chi fut acabada cun d’unu punu a cadunu non c’iat nudda de nai.

Eriseru sa partida si dd’ant giogada cara a cara in su primu tempus, ma in su segundu su Casteddu de Maran at fatu su giogu e a pustis su gol de Faragò ant erriscau de fairi su terzu gol prus de una borta.

Dominigu su Casteddu giogat a is tres de merì cun su Torinu de Mazzarri chi in custu incumentzu de campionau non est partiu meda beni. S’andat in Piemonti cun sa barra e cun sa segurusa de is fortis po cicai un’atra vitoria po sighiri a bisai.

 

 

 

Foto: www.repubblica.it