Sa de seti partidas chi bincit o paregiat, cuindigi puntus in classifica (mai is sardus nd’iant fatu aici medas de candu, in su 1995 ci funti s tres puntus), sa meglius difesa de su campionau paris a sa juventus e a su Verona.

Est unu Casteddu chi si podit nai cuntentu, cussu chi eriseru at paregiau in Torinu contras sa scuadra de Mazzarri.

Su Casteddu nd’est torrau cun d’unu puntu de su Piemonti ma podiant essiri tres. Ant segnau po primus is piciocus de Maran cun su primu gol, in custu campionau, de Nandez e, a pustis, airi tentu sa possibilidadi de ndi fairi un’atru, si funt arrendius a su gol de Zaza.

Cuntentu meda, prus che de su paregiu, de comenti ant giogau est s’allenadori Rolando Maran chi a sa fini de sa partida at nau: “Is piciocus ant fatu biri comenti funt fatus e ant postu in campu gana, barra e mentalidadi noa, cichendu de binciri sa partida finas a sa fini.”

 

Foto: https://www.toronews.net/toro/torino-cagliari-1-1-zaza-salva-i-granata-dal-tracollo/