In sa giunta regionali non totu andat po su meglius e is Riformatori cun is Fratelli d’Italia tenint unu pagu de dolori de entiri. Is primus poita ce ddus ant stupaus de sa lista unica de sa Citadi Metropolitana, is segundus pedint sa presidentzia de una Comissioni “poita nosi tocat”. Ci funt, a pustis, sa fortza de s’Udc chi imoi tenint ses ominis, ca Peru est passua cun cussus e is vertentzias (massimamenti cussas de su Lati, de s’Aias e de s’Alcoa), cun trabagliadoris sardus in genugu.
Non funt pagus is problemas po sa magiorantza, ma su presidenti Christian Solinas non parit arriolau, antzis: “Po mei sa magiorantzia est de trintases consiglieris, de cali partidus funt pagu mi ndi frigat e pagu importat po su trabagliu chi depu fairi”, fait sciri.
Ci funt de fairi finas cuatru nominas importantis: Forestas, Enas, Isre e Area e Solinas fait sciri: “Creu chi ap’a ponni comissarius, s’obietivu est a torrai a ponni is cda vecius cun s’opositzioni puru, poita non mi pragit a tenni feti un’omini a su cumandu de totu”.
