Funt prus o mancu cincuantanoimila is sardus chi pedint agiudu po papai, de custus su dogi po centu tenint prus pagu de cuindigi annus. Est una cica de sa Coldiretti, in sa “Giornata mondiale dell’alimentazione” promovia de sa Fao, a ddu nai. Numurus chi ponint sa Sardigna in is urtimus postus in Italia: is sardus funt su 2,2% de is dus milionis e seti chi in su 2018 ant pediu agiudu po papai. De custus prus de sa metadi funt in is regionis de su Sud. Cussas chi istant peus funt sa Campiania cun prus de mesu milioni, sa Sicilia cun cuasi cuatrugentumila, e sa Calabria cun cuasi tregentumila. No istat beni mancu s’errica Lombardia aunia funt 229mila cussus chi tenint problemas.
Candu si pensat ca su problema alimentari est cosa feti de su mundu prus poburu si sbagliat meda poita tocat finas is stadus prus industializaus. C’est de nai ca chini pedit agiudu, po bregungia, no andat a papai in is mensas, ma cun is pacus alimentaris.
Foto: https://www.corriereirpinia.it/giornata-dellalimentazione-coldiretti-la-mappa-della-fame-in-italia/
