Mariu Trudu, sessantanoi annus de Artzana, est mortu in s’ispidali de Aristanis a pustis airi bintu sa bataglia po si curai a foras de su presoni de Massama, aunia fut a intru de corantun’annus.

Dd’at fatu sciri, onendu sa nova in Facebook, s’abogada chi ddu sighiat, Monica Murru. Trudu fut malaidu, teniat unu cancru, e ddu iant cundannau a su presoni po totu vida, chena perunu permissu e scontus, chi sa Corti Costitutzionali at nau ca non si podit donai prus.

“Mi ant avisau ca Trudu no nce dd’at fata, est mortu custu merì chena essiri torrau a domu sua mancu po una pariga de oras. Tengiu indenanti sa faci sua, is brassus longus de omini de monti, comenti chi iat sempiri marrau sa terra invecias de s’airi fatu corant’annus de presoni, e s’errigeddu cosa sua. M’intendu comenti una chi at fatu unu trabagliu inutili e pensu chi s’arresultau in pissu de su presoni a totu vida siat erribau tropu adduru”, custu at scritu sa Murru in Facebook.

 

 

 

 

Foto: https://nobordersard.wordpress.com/2014/02/21/massama-ex-41-bis-chiedono-lavvicinamento-a-casa/