A pustis su calori meda, cun temperaduras erribadas finas a trinta gradus, in Sardigna est ora de s’atongiu. Abba e tempus malu de oi, mercuris 23 de Santu Aine. Sa Protetzioni civili at fatu sciri ca de is tres de cras a merì si podit erriscai calencuna cosa propriu po mori de s’abba chi at a calai de su celu. Is zonas prus a erriscu funt cussas de su Flumendosa-Flumineddu, s’Igresienti e su Campidanu.

“Est acostiendusì cust’aria de atongiu, po imoi est frima in su Mediterraneu ocidentali ma in is oras chi ant a benni erribat in Sardigna”, narant in is ufitzius de s’Aeronautica de Deximumannu. S’abba podit essiri forti meda massimamenti in sa dì de cras, po cussu tocata donai crobba manna.

Finas cun s’abba is temperaduras non ant a calai de meda e finas a dominigu, in cuasi totu s’Isula, is massimas ant erribai a binti gradus.

 

Foto: https://www.malpensa24.it/pioggia-lombardia-millimetri-ore-sulla-possibili-oltre-100-in-24/