Sa Dinamo Sassari arrennescit a binciri a s’urtimu sa primu partida de Champions League, sunfrendu non comenti depiat contras is lituanus de su Lietkabelis. Est acabada 79 a 78 in su PalaSerradimigni e, castiendu is puntus, si podit cumprendiri chi sa partida fut bia finas a is urtimus segundus de giogu. At decidiu, in is tirus liberus, Dyshawn Pierre chi ddus at intzertaus totus e dus, a pustis is lituanus ant faddiu su puntu chi ddis podiat donai sa vitoria. Su meglius in campu po is sassaresus est stetiu su canadesu Pierre e non feti poi s puntus chi ant fatu binciri sa Dinamo.
Massimamenti arriolat su caratiri de sa scuadra, chi iat fatu beni meda in is primas partidas de cust’annu e imoi parit ca est unu pagheddu in dificoltadi. Is lituanus ant cumandau su giogu po tempus meda e, tocat a nai ca, ca non futn stetius fortunaus meda. Imoi Pozzecco cun sa scuadra depint sighiri a trabagliai ca is partidas funt sempiri de prus e tocat a si fairi agatai prontus.