Sa ministra de s’agricoltura Teresa Bellanova at a benni in Sardigna po incumentzai a biri eita si podit fairi po su pretziu de su lati.
Dd’at fatu sciri s’assessora a s’agricoltura Gabriella Murgia chi fut in Roma, paris a is atrus collegas de is atras regionis italianas, po atobiai sa ministra e totu.
“M’at assegurau chi at a benni in terra nosta tra pagu tempus”, at nau s’assessora regionali. Sa Murgia est cunvinta ca a is pastoris tocat a ddis arrespundiri ca est giustu chi su lati bengiat pagau prus de imoi po su trabagliu chi ddue ponint. “Apu pediu finas de sblocai su dinari de sa lei 44 e fatu cumprendiri su mali chi faint is animalis non domaus a is piscadoris e a is massaius chi trabagliant in is campus. Cun is atrus assessoris eus chistionau de comenti si cumbatit sa cimixi asiatica chi est fendu dannus meda in s’Italia de sus e chi iat a podiri erribai in Sardigna puru”.
Foto: https://www.ilprimatonazionale.it/politica/teresa-bellanova-quando-m5s-chiedeva-dimissioni-129360/
