Cun centusessantanoi votus po nai ca giai e centutrintatres po nai, invecias, ca nou e cun cincu chi no ant nau né s’unu né s’atru, partit su segundu guvernu de Giusepu Conte. Dd’ant batiu is manus totu is senadoris de sa magiorantzia e su presidenti de su consigliu at imbrassau su ministru de sa Giustissia Alfonso Bonafede chi teniat acostau.
A mericeddu Conte at scritu in Twitter: “Su parlamentu at vvotau sa fiducia a-i custu Guvernu. Incumentzat unu tempus nou po s’Italia. Eus a sighiri sa Costitutzioni e s’arrespetu po is Istitutzionis. imoi nosi poneus a trabagliai cun goragiu e gana meda”. Eriseru in su Senau si funt cravaus a fueddus Conte cun Salvini e cun totu is leghistas comenti s’atru pusti in sa Camera: “A pustis cun calma – at nau Conte – eis a nai a is italianus eita serbit po totu custus giramentus de faci in pagas cidas”.
Foto: https://www.lenius.it/come-funziona-senato-della-repubblica/
