“Ma po bosatrus unu ministru de s’Internu, autoridadi de totu sa Politzia, tenit abbisongiu de umperai una magligedda po nai ca est s’autoridadi prus manna?”, aici su capu de sa Politzia Francu Gabrielli fueddat de s’abitudini de su ministru beciu Mateu Salvini de si ponni sa divisa de sa Politzia.
“Sa genti non est scimpra – at nau Gabrielli in Napoli – Salvini dd’as umperat, in beridadi, po si intendiri parti de sa Politzia e totu” Ma “fendu aici – at sighiu Gabrielli – si pensat ca is citadinus funt scimprus totu e ddis abisongiat una magligedda o de una bandela po torrai a nai sa matessi cosa”.
De Luciana Lamorgese, chi imoi est sa ministra noa Gabrielli narat: “Chena pensai mali est prus facili po nosu chistionai e, massimamenti, si fairi cumprendiri de chini chistionat sa matessi limba tua, ma cun custu non bogliu nai cantu balit”. “Po mei su Ministru de s’Internu depit essiri sempiri unu politigu e non unu tecnicu, ma custu est un’ateru contu”
