Est su Warung Beach Clu de Masua

Su primu premiu po su stabilimentu in su mari meglius de totu s’Italia erribat in Sardigna e a ddu binciri est su Warung Beach Club de Masua in Igresias chi at bintu sa gara aprontada de Mondo Balneare.

Ma sa Sardigna si pigat fians sa medaglia de brunzu in sa categoria “Best Beach Bar” cun su Cafè Set Beach de Platamona.

Su Warung, chi s’agatat in sa Costa de is Minieras, fut in gara cun prus de atrus milli stabilimentus de totu s’Italia e at bintu poita, comenti narat sa motivatzioni: “tenit totu is carateristicas chi depit tenni unu stabilimentu in su mari: bellus arredus e unu design de spantu chi non andat contras su territoriu; unu cocktail bar e unu ristoranti chi balint cun cosa de papai de calidadi. Totu custu cun sa natura a ingiriu chi chistionat a sa sola”.

Invecias su locali de Platamona ddu ant scioberau is cuasi tregimila votus chi at pigau de sa genti e est erribau a palas de su Singita Miracle Beach de Fregene in su Lazio e de su pugliesu Rilcaldo Beach de Chiatona.

Is premius s’arretirant su 10 de su mesi ch’intrat in Rimini.

Foto: https://www.warungbeach.it/