Is benzinaius sardus funt inchietus meda e in tregentubinti, de is tregentunoranta chi s’agatant in Sardigna, de lunis chi benit ant fairi agatai serrau su distribudori cosa insoru. Pedint unu godangiu prus mannu ca is tres centesimus a litru de oi non fait prus. S’erriscu mannu est de serrai. Sa truma de is benzinaius funt decidius de portai a innanti custa guerra finas a candu is meris de sa benzina non si ponint a ascurtai cussu chi tenint de nai. A su scioperu de tres dìs funt erribaus a pustis prus de unu atobiu in Tramatza. Is petrolieris non ant arrespustu po nudda.
In custas tres dìs serrant finas is self service e duncas est facili meda chi sabudu e dominigu totus si facant su prenu po non abarrai chena gasoliu. Po martis chi benit c’at essi finas una manifestada in denanti de sa Regioni. Custus morrungius est facili chi erribint finas a Roma, de su presidenti Conte, de Salvini e de Di Maio s’aspetant cussas arrespustas chi ancora non funt erribadas.
Foto: leggo.it
