Casteddu est a su segundu postu tra is logus chi is italianus preferint po is ferias de s’istadi. Est custu su risurtau de una cica de momondo.it, giassu digitali po cicai aereus e albergus. Roma est, comenti est giustu chi siat, sa prima  ma a is italianus pragit meda su mari puru e Casteddu, chi est intrada de nou in custa classifica, ocannu at tentu una crescita de su 137%.

Casteddu est in denanti de logus de mari che Rimini, Riccione e Gallipoli, e ndi sighit citadis mannas che Firenze, Palermo e Milano.

Sa spesa media, in is albergus a tres e cuatru steddas, est de centubinticuatru eurus po noti. C’at de nai ca cuasi su setanta po centu de sa genti scioberat de andai in albergu e is atrus s’arrangiant in atra manera. Su scioberu tenti abbisongiu de sa colatzioni a intru de su pretziu, sa possibilidadi de umperai su Wi-Fi chena pagai in prus e a podiri umperai servitzius che Spa o piscinas.

 

 

 

 

Foto: viaggiesvaghi.it