Mateu Salvini torrat a chistionai de is butegas de cannabis lebia, a pstis airi nau ca ddus faiat serrai totus a unu anu. Chistionat de sa politzia e sa magistradura chi eriseru a mengianu in sa regione Marche ant fatu serrai tres butegas in Macerata, Porto Recanati e Civitanova Marche. Po Salvini est s’esempiu de Macerata de pigai e narat ca si podit fairi in totu s’orrestu de s’Italia. E narat: “ Su Stadu fendu serrai custas butegas at fatu biri ca non agiudat po nudda chini cicat de bendiri cosas chi faint mali a is figlius nostus”. E ancora scrit in Facebook: “Ia bolli chi su senadori de is Steddaus Mantero arretirit sa proposta de lei in pissu de sa droga libera. Non est in su cuntratu chi eus fatu cun issus, deu non bogliu su Stadu spaciadori”.
Is giovunus meda chi ant decidiu, in totu s’Italia, e finas in Sardigna de oberri custas butegas funt avertius ca at essi una guerra orruga po orruga.
Foto: cannical.com
