Conad si comporat is butegas de Auchan chi s’arretirat de s’Italia. Totu custu, in dinari, fait unu miliardu de eurus e sa compora si iat depiri serrai a intru de cust’annu, a pustis chi s’Antitrust nerit chi andit totu beni. Cun custa novidadi sa Conad ci stesiat de su primu postu de su mercau alimentari e non solu sa Coop chi perou fait in deretura is augurius a is “nemigus” de sempiri: “Andat beni meda chi a pigai su postu de is strangius siat genti italiana, sa cuncorrentzia, candu est sana, giuat a su mercau e a is clientis puru”.

Funt numurus mannus cussus de sa Conad: milli e sexentus is butegas de Auchan (fians cussas de Simply) e de custas funt corantases ipermercaus e dugentutrinta supermercaus, capassus de donai trabagliu a prus de bintimila tra ominis e feminas.

A is francesus abarrant is cincuanta butegas de LillaPois e is trintatres Auchan de sa Sicilia.

 

 

 

 

Foto: ilfriuli.it