“Finas feti unu buu andat sempiri cundennau. Ma non bastat una cundenna, po binciri contras de su ratzismu serbit impignu e cultura”. Aici scriit su presidenti de su Casteddu Tomasu Giulini de is fischius chi is tifosus po su giogadori nieddu de sa juventus Kean.
Su documentu de su presidenti sighit nendu totu cussu chi fait su Casteddu po cumbatiri su ratzismu: “Totu cussu chi fait su Casteddu, de sa Scola de Tifu a sa Curva Futura po is pipius, de sa Cuarta Categoria a sa Football Academy e a is atras atividadis serbit po si fairi una cultura chi cambit is cosas. Su ratzismu si cundennat ma si depit binciri e serbit a fairi e non feti a fueddai”.
Ancora, aciungit Giulini: “Nosu imparaus a is piciocheddus e a is pipius chi giogant in is scuadras nostas ca su giogu de palloni est allirghia. Ddu feus dogna dî, cichendu de imparai de scuadras ce su Barcellona o su Manchester City chi de annus meda trabagliant cun is giovunus in custa manera”.
Foto: zimbio.com
