Sa Dinamo bincit, in domu de s’Unet Holon sa prima partida de duas po erribai a sa finali de s’Europe Cup. Is piciocus de Pozzecco, erribaus de Milanu aunia dominigu iant bintu sa partida de campionau, ndi torrant in Sardigna a pusti una bataglia in su campu de s’Hapoel Toto Arena de Holon. Is sassaresus, a s’incumentzu de sa partida, non ce dda faint a giogai beni ma, in segus, candu acabat su primu tempus funt a innanti de unu puntu. In su segundu tempus est ancora prus dificili e sa partida si giogat de puntu in puntu. A portai sa partida in sa diretzioni sarda ci pensant, massimamenti, Rashawn Thomas, Smith e Spissu, chi crescit sempiri de prus e a s’acabu de su segundu tempus s’agatat in pissu de cincu puntus chi imoi depit gestiri in Sassari mercuris chi benit. Sa Dinamo est de otu partidas de sighiu chi est sempiri bincendu.
Foto: oasport.it
