Migheli Pais est su presidenti nou de su Consigliu Regionali. Giobia passada non ce dda iant fatu a ddu votai, invecias eriserus at pigau trintases votus contras is ses de Elena Fancello de is Steddaus, is dus de Antonello Peru de Fortza Italia e is segi schedas biancas.
In su mentris ancora sa Giunta noa non est ancora pronta: Solinas, forsis, mancu custu mengianu at a cumpletai sa scuadra chi depit guvernai in is cincu annus chi ant a benni. Po imoi teneus feti cincu assessoris, Giusepu Fasolino e Alisandra Zedda de Fortza Italia, Giuanni Lampis de is Fradis de s’Italia, Giuanni Chessa de is sardistas e Mariu Nieddu de sa Lega.
Is partidus funt ancora chistionendu, si donant po segurus is assessoraus a s’Urbanistica po Chirigu Sanna e-i cussu de s’Agricoltura po Daria Inzaina de sa Lega, ma po is atrus, forsis, c’ant essi sorpresas mannas.
Foto: twitter.com/michelepais
