Sa Sardigna est sa prima regioni in Italia chi bit is giovunus lassai sa scola prima de si pigai un’orrogu de paperi comenti de diploma. De tres piciocus, in media, unu lassat is studius e cicat de intrai, ma giai scieus comenti est meda prus dificili, in su mundu de su trabagliu. Non tocat a si cuntentai de una cosa aici e tocat a trabaglia, familias, su mundu de sa scola e politigus po fairi cambiai cussu chi est unu “record” chi non serbit a nudda. In sa cica chi at fatu Tuttoscuola nomenada “Scuola Colabrodo” Sa Sardigna est prima cun su trintatres po centu sighia de sa Campania chi tenit cuatru puntus de mancu e erribata a su bintinoi e tenit prus de su dopiu de is puntus chi tenit sa tertza, s’Umbria, chi tenit seigi puntus. Sa media de s’Italia est de su binticuatru po centu chi in atrus fueddus bolit nai ca funt prus de centucincuanta mila is piciocus de is scolas superioris chi lassanta a una parti is libburus in is urtimus cinc’annus. De custus ses mila funt cussus sardus.

 

 

 

Foto: senzatregua.it