Funt costau a costau, conca a conca ma una borta contaus beni is votus is socialdemocraticus de sa Sdp ant bintu is eletzionis politicas in Finlandia. A sighiri sa manca finlandesa sa drestra de is “Veri Finlandesi”. A pagus minutus de sa mesunoti su ministru beciu de is Finanzas Antti Rinne at fatu sciri de airi bintu, “finas chi de paghissimus”. Est beru, de paghissimu, sa manca at pigau su 17,7 po centu e sa drestra su 17,5. Rinne, comenti imparat sa manca, est po s’agiudu a-i cussus chena trabagliu, est po s’ambienti e po fairi sa guerra a chini caglientat tropu sa Terra. In campagna eletorali iat chistionau finas de fairi pagai prus impostas po agiudai su trabagli, sa scola, is pensionis, sa scentzia e sa tecnologia.
Is atras coalitzionis chi funt in cursa ant pigau su 17 po centu is “Conservatori di Coalizione nazionale”, su 15 po centu su Centru de su presidenti beciu Juha Sipila, su 10,3 po centu is Birdis, e s’8,4 po centu sa coalitzioni de manca (parenti de atesu de su partidu comunista.
Foto: sdp.fi
