A sa fini Abdelaziz Bouteflika s’est dimitiu, a pustis de prus de unu mesi de morrungius chi erribanta de is prassas. Acabat su tempus de su presidenti algerinu chi teniat su poderi in manus de bint’annus. Candu s’est scipia sa nov, is algerinus funt calaus in is stradas e in totu is prassas a festai. Totu is morrungius funt nascius candu Bouteflika iat fatu sciri de si candidai po is presidentzialis de su 18 de arbili, chi po s’ora non si faint prus.
Su presidenti at scritu una litara aunia narat de si nd’andai po cicai de fairi torrai sa pagi in sa natzioni ca aici sa cosa non podit sighiri.
Po sa Costitutzioni algerina imoi est su presidenti de su consigliu natzionali, si lamat Abdelkader Bensalah e tenit setantaset’annus, a pigai su poderi po unu massimu de noranta dîs. Is algerinus, a dogna manera, sighint a calai in prassa, in pagi, contras de su sistema. “Sa strada ancora est longa, narat chini at morrungiau, e is dimissionis funt feti sa prima cosa chi andaiat fata”.
Foto: euronews.com
