“Sa seguresa non podit essiri feti su trabagliu de sa politzia. Ci depit essiri unu trabagliu finas de s’atra genti”. Est custu su messagiu chi at ligiu Alfonso Polverino po contu de su cuestori Pieru Luisu D’Angelo, chi mancaiat, in s’atobiu po festai sa Politzia de su Stadu chi eriseru faiat is annus (167 funt). Sa festa dd’ant fata in su Molo Ichnusa de Casteddu, indenanti de is pipius de sa scola elementari de Sinnia e ddue funt totus cussus chi contant in Sardigna. Polverino at arregodau totu cussu chi ant fatui s ominis de sa cuestura, medas is numurus chi ant cicau. Massimamenti fait prageri ca c’est prus pagu genti chi fait a malu ma funt crescendu is imbroglius, sa droga e-i s’alcol, prus che a totu in is giovunus. Propriu po custu sa Politzia bolit s’agiudu de totus, scolas e familias prus de totus, po cicai de frimai is piciocus chi s’acostiant a droga e alcol.
Foto: strettoweb.com
