Oi est sa prima borta de su Consigliu Regionali nou chi intrat in su palatzu de via Roma. Parit chi sa Giunta po sa dî de oi non at essi cumpleta. Nemus bolis erriscai de segai sa coalitzioni. Sa Giunta incumentzat, a dogna modu, a pigai sa forma sua e, comenti giai nau, ndi essint is Riformatori. Po s’ora funt cincu is nominis de is assessoris nous: Mariu Nieddu, dentista, chi trabagliat in sa Asl, est s’assessori a sa sanidadi, Giusepu Fasolino, de Forza Italia, andat a sa Programatzioni. Sempiri a Forza Italia, a Alisandra Zedda, andat s’assessorau de su Trabagliu, Giuanni Lampis de Fratelli d’Italia est s’assessori nou de s’ambienti e Giuanni Chessa de su Psd’Az est cussu a su turismu.
Solinas, chi at giurau in Consigliu custu mengianu, si poderat totu is atras delegas.
Mariu Nieddu, su nomini chi iat fatu sa Lega po unu de is assessoraus prus importantis, fut candidau cun su partidu de Salvini.
Foto: regione.sardegna.it
