Sa Dinamo Sassari est in cica de fairi una bella partida e de s’identidadi propria po andai a innanti. Oi si dda depit giogai in Olanda a is otu de meri contras su Zz Leiden in sa cuntierra de su Round of 16 de Fiba Europe Cup.
Est sussediu prima s’infortuniu de Scott Bamforth e in segus s’allenadori Pissenti Esposito chi at lassau sa scuadra a pustis sa partida perdia de Torinu cun Giuannimarcu Pozzecco chi at pigau su postu sû: ancora sa Dinamo non s’est torrada a pigai de custas duas cosas. A fairi cumprendiri ca non totu est andendu beni est erribada sa partida perdia de dominigu passau poita s’allenadori depiat scontai un’atra giornada de scualifica e invecias fut in panchina. Pozzecco cicat de donai fiducia a totu s’ambienti: “Finas chi eus perdiu, m’est pragiu comenti eus giogau e apu bidu sa scuadra chi bogliu cun barra e gana de sa ddi giogai”.
“Eus fatu erroris medas, ma totu paris candu nos eus a connosciri meglius ndi besseus, poita seus fortis e scieus giogai”, a sighiu s’allenadori.
Foto: corrieredellosport.it
