Ddu iat nau e aici at fatu: Paulu Palumbo de una pariga de oras at incumentzau a non papai prus. Su cogineri de Aristanis, chi tenit bintun’annus e est malaidu de sa Sla, nci ingurtit feti aba cun tzucuru. Est protestendu a mala manera ma bolit donai unu signali forti a is politicus: “Sa politiga si arriolat po sa Tav, at essi giustu a spendiri trexi miliardus de dinari pubricu po sgavai gallerias in is montis? Nemus si arriolat, invecias, de is malaidus de Sla chi in su benidori bint feti suferentzia”, at nau, ligendu is litaras cun is ogus in su computer, Pàulu.

“Braistrom est sa sola cura sperimentali chi si connoscit po nosu, portaidedda in Italia e donaidedda a chini ndi tenit abbisongiu, chi poi non serbit a nudda bos si torraus gratzias po c’airri sonumancu provau”, sighit su piciocu oristanesu.

Is fueddus de Pàulu funt po su presidenti de sa Repubblica Sergiu Mattarella, po is ministrus de su guvernu e po chine chi siat tengiat poderi de cambiai is cosas.

 

 

 

 

Foto: prominic.net