“Mussolini? Finas a candu non est intrau in guerra cun totu su mundu ponendu menti a Hitler, e finas a candu non at fatu is leis de sa ratza, chi poneus a un’ala su contu de Matteotti, at fatu cosas bonas meda. Stradas, bonificas e atras cosas, non podeus nai ca in beridadi non at fatu nudda”. Custus is fueddus chi Antoni Tajani, presidenti de su Parlamentu de s’Europa, at nau in s’arradiu a “La Zanzara” sa trasmissioni de Radio “4.

Chini si nd’est sapiu, comenti su numurus dus de su ministeru de is Affari Regionali, Istevini Buffagni at tentu inderetura cosa de nai: “Tajani fait biri e chini est, nde ddi depit parri bregungia po cussu chi at nau po Mussolini. Dd’arregodu ca sa democratzia nostra tenit atrus fundamentus, soi orgogliosu de no dda pensai che-i cussu”. Tajani non si dd’at mandau a nai e at arrespustu in Twitter: “Tengiat bregungia chini umperat in fueddus mius po si dda pigai cun mei. De sempiri soi contras a su fascismu, non permitu a nemus de nai ca non est beru”.

 

 

Foto: repubblica.it