Nigola Zingaretti est su segretariu nou de su Partidu Democratigu. Su Presidenti de sa Regioni Lazio in is primarias de dominigu passau at pigau meda prus votus de is atrus dus candidaus: Zingaretti su setanta po centu, Martina su digiotu e Giachetti su dogi. A votai po su segretariu nou si funt acostiaus in is gazebus in cuasi prus de dus milionis. Nemus s’aspetaiat aici genti meda, bolit nai ca c’est ancora gana de gherrai in su populu de sa manca italiana.
“Non apu ancora cumprendiu poita est tocau a mei – at nau a caglienti su segreariu nou de is democratigus -, ma sciu ca est tocau a mei. Chi seus erribaus a-i custu puntu de s’istoria nosta est poita non soi mai stetiu a sa sola in cust’aventura. De Trento finas a sa Sicilia totus cussus chi apu atobiau m’ant nau: Nosu torraus ma custa borta non si facheis fuiri.
