“Non est mai incumentzada una currenti rentziana. Totu is contus chi naranta ca futi cumbatendu po difendiri su chi apu fatu non est beru. Creu de essiri tra is pagus chi at nau a is amigus de andai aunia boliant”.

Chistionat Mateu Renzi, su segretariu beciu de su Partidu Democratigu, a pustis de is primarias de su partidu chi ant fatu binciri Nigola Zingaretti e chi, sonumancu in teoria, imoi oberint atrus tempus in su centrumanca.

“Onori mannu a chini at bintu – narat Renzi – tengiu arrespetu de su votu e mi bivu comenti una liberatzioni chi ci siat un’atru segretariu. Imoi tocat a atrus, nosu eus a donai una manu cun onestadi”. E sighit narendu: “Soi stetiu onestu cun Bersani e poita imoi non cun Zingaretti? Nosu non si ndi seus andaus, funt is atrus a ddu airi fatu”. Candu calencunu ddi pregontat chi abarrat in su partidu Renzi arrespundit: “S’unica borta chi eus erriscau de nos si dividiri fut candu, in su beranu passau, una parti de su partidu boliat andai cun is Steddaus e un’atra parti nou. Candu est orruta custa pensada totu est torrau che a prima. Spereus chi Zingaretti ce dda facat a ponni de acordiu totu su mundu de su centrumanca”.

 

Foto: google.it