Is pastoris sardus funt acorraus in Tramatza po cumprendiri, de chini ddu at firmau, cussu chi at a sucediri cun s’acordiu po su pretziu de su lati de s’otu martzu passau.
S’acordiu est cussu de pagai su lati de erbei a setantacuatru centesimus a litru a incumentzai de custu mesi finas a sa fini de s’arregorta. Non totus funt de acordiu e bolint cumprendiri beni poita ant firmau.
Non est meda che is atrus annus su casu chi ant fatu is industrialis e po unu statistica de su Centro Studi Agricoli de Tore Piana a acabu de annu sa produtzioni at essi meda prus bascia de cussu chi narat su Consorzio Pecorino Romano: si fueddat de 253.300 cuintalis invecias de is 280.000 chi depiant essiri po cust’annu e a is 341.600 de s’annu passau.
Chi custus numurus ant essi beridadi su pretziu de su lati s’artzat de seguru, narant cussus de su CSA
Foto: repubblica.it