Centubintitres Stadus, cuasi duamila prassas in ottu su mundu e in Italia centuotanta citadis in is orrugas. Funt custus is numurus de su “FridayForFuture”, su scioperu aprontau de is studentis po cicai de cumbatiri is velenus chi funt bocendu sa Terra. Totu custu est acapiau a su movimentu “Global Strike for Future” chi est pensau castiendu a sa piciochedda svedesa, Greta Thunberg de seigi annus, chi de una bona pariga de mesis dogna cenarba in denanti de su Parlamentu morrungiat cun is politicus po ddis fairi ponni s’ambienti in pissu de totu is atrus problemas.
De custa picioca, tres parlamentaris de sa Norvegia, ant fatu finas su nomini po su Nobel po sa Pagi.
Sa Sardigna puru non est abarrada a castiai e in Casteddu partendu de prassa Garibaldi is studentis si funt atobiaus in denanti de su Cumunu de Casteddu. In Lanusei is piciocus de is scolas superioris funt partius de sa prassa de su liceu Da Vinci e ant sighiu po is orrugas de sa bidda.
Foto: facebook.com
