Finas is studentis casteddaius ant essi in prassa cenarba chi benit po su “Global Strike For Future” sa manifestatzioni internatzionali po su clima nascia de is morrungius de una studentessa svedesa de nomini Greta Thungerg. S’atobiu de is piciocus at essi in prassa Garibaldi a is noi oras e mesu, de innoi s’at a moviri in is stradas casteddaias e ant a sighiri in prassa Sonnino, orruga de Logudoro, orruga de Campusantu, Orruga de Bonaria, orruga de Amendola po erribai in denanti de su portu in sa zona aunia non podint passai is machinas. Giai de imoi si fait sciri ca non si bolint bandelas de is partidus ma is sotzius chi ant decidiu de ddu essiri podint portai cussu chi bolint. Po imoi ant fatu sciri de ddu essiri custus sotzius: Unica 2.0, Eureka, Recosol, Legambiente, Isawo, Greenpeace, Esn, Unica Lgbt, Memoratu, circolo Sergio Atzeni, associazione Pasolini, Campo progressista, Aegee, Comitato Arci sud Sardegna, Theandric teatro non violento. Custa manifestatzioni s’at a fairi in totu su mundu, in Italia cussa prus manna at ess icussa in Roma.
Sa scintidda est partia de sa Svetzia, aunia una piciochedda che Greta dogna cenarba de su mesi de austu passau andaiat in denanti de su Parlamentu cun d’unu cartellu aunia ddu e fut scritu: “Scioperu scolasticu po su clima”.
Foto: fridaysforfuture.org
