Bintidus is delegaus in s’Assemblea natzionali e tres, invecias, is democratigus chi intrant in sa Diretzioni. Funt is sardus, chi a pustis de is primarias de su Partidu Democratigu bintas de Nigola Zingaretti, si pigant is carrigas noas. A is primarias de su partidu in Sardigna ci funt cincu listas: duas po Zingaretti, duas po Mauritziu Martina e una po Orrobertu Giachetti.
In s’Assembela Natzionali, sa truma prus manna de delegaus bessius a foras de sa lista “Sa Sardigna po Zingaretti”, ddue funt is becius de su DS e is sorianus. Funt degi: Ignatziu Angioni, sa consigliera comunali de Cuartu Brabara Cadoni, Mario Esu de Carbonia, Cristina Deidda, Giochino Piseddu, Peppi Loi sindigu de Biddamanna, Maria Obinu, Carrulu Sotgiu, Antoni Sau e Dolores Lai. Sempiri po Zingaretti, in s’atra lista: Fideli Forcu, Chiara Cortese, Alisandra Lochi, Luca Pirisi, Alma Cardi e Marinu Achenza.
Cun is atras listas de Martina e Giachetti erribant in Roma invecias: Francu Sabatini, Bainzu Manca, Isabella Murtas, Andria Viola e Carrula Trudu.
Tres is democratigus, comenti eus nau, chi intrant in sa Diretzioni natzionali: Giuliu Calvisi, Giuannimaria Mele e Pàulu Fadda.
Foto: ilmessaggero.it
