Sa Natzionali sarda de fubal eriseru at giogau sa prima partida de sa storia sua in su stadiu Frogheri, o Quadrivio, de Nugoro. Bene meda est andada custa prima borta: seti gol po is sardus e unu gol po is Istrangios, chi funt giogadoris strangius chi perou giogant in is scuadras sardas. In Nugoro, prus che a totu, ant fatu festa e a sa partida ddue funt seigentus tra ominis, feminas, pipius e pipias. Imoi sa scuadra de Bernardo Mereu in su mesi de làmpadas si dda giogat cun sa Repubblica Doneck e sa Padania in is europeus de sa Conifa. Sa prima formztzioni de sa Natzionali sarda, calada in campu est custa: Ruzzittu (Lai), Russu (Fadda), Varrucciu (Usai), Cabeccia (Fini), Sirigu, Pani (Mereu), Bianchi (Porcheddu), Masala (Gianni), Molino (Spano), Palmas (Cadau), Virdis (Corrias). I seti gol ddu ant fatus Virdis (tres po custu bravu giogadori), Bianchi, Molno, Spano e Gianni.
Foto: unionesarda.it
