Sa Protetzioni civili at fatu sciri de donai crobba manna a su tempus finas a is otu de merì de cenarba. De su primu mengianu de oi finas a totu su mengianu de cras in s’isula nostra at a sulai unu bentu forti e prus forti ancora at essi in is zonas de is costas de cabu de sus. In is biddas de monti non podint abarrai trancuillus ca inigui puru su bentu si at a fairi intendiri. De cras a pustis prangiu su bentu at essi prus paguin totu sa Sardigna a foras de is costas de sa Gaddura, in sa Maddalena e in is bucas de Bonifacio aunia non s’at abbasciai finas a sabudu.
Su bulletinu de sa Protetzioni civili narat finas de donai crobba cun sa machina e massimamenti cun camion cun telonis “ca su bentu forti fait andai de una parti a s’atra” e a sa bessida de is gallerias e a suta de is pontis.
Foto: giornaledimonza.it
