Mateu Salvini est erribau in Sardigna e at chistionau de Otieri. Fueddus crarus, comenti de sempiri, in pissu de sa sanidadi passendo po is trasportus, po is migrantis e finas de musica.
“Banchieris, burocratis, e barconis, funt custas is tres B chi ndi bolgiu tirai de mesu”, at nau su capu de sa Lega chi est in Sardigna po tres dîs po agiudai a binciri Christian Solinas in is eletzionis po su Presidenti de sa Regioni de dominigu chi benit.
De is migrantis at nau ca de candu c’est issu in su guvernu nemus s’est permitiu de erribai in Italia. Calencunu fueddu puru po sa sanidadi, at impromintiu de agatai calencuna solutzioni po s’ispidali de Madalena. At bofiu chistionai puru de su contu de sa Diciotti: “Bogliu chi is militantis e is senadoris de is Steddaus votint cun cuscentzia, deu soi trancuillu poita apu sighiu sa Costitutzioni”. E po urtimu pensendu a su Festival de Sanremo: “In musica non soi meda fortunau, su festival ddu at bintu Mahmood, ma a mei pragint de prus Vasco Rossi e is Tazenda”.
Foto: huffingtonpost.it
