Sandru Ruotolo at a sighiri a tenni sa scorta in su benidori puru, difatis ant suspendiu sa revoca a su giorronalista chi prus borta est stetiu amelessau de sa camorra poi s indagus chi fait. “Finas chi ancora non m’ant nau nudda de uficiali est totu beridadi. Ant suspendiu sa revoca chi iat airi bidu chena sa scorta de su 15 de friargiu. Sa scorta abarrat” at scritu Ruotolo in Twitter. In is dìs passadas su ministru de sa Giustissia de su Guvernu chi ci fut innanti de custu, Andria Orlando, iat fatu sciri ca a su giorronalista nde dd’iant airi bogau sa scorta e inderetura meda e meda genti iat cicau de agiudai Ruotolo e sa familia sua. De sa parti de su giorronalista campanu s’est postu finas su presidenti de sa cumissioni Antimafia, Nigola Morra narendu ca “stimat meda e de prus puru Ruotolo po su trabagliu mannu chi at fatu in is indagus contras sa mafia”. Ruotolo bivit cun sa scorta de su 2015 candu Migheli Zagaria, unu de is boss chi contant de prus, dd’at amelessau de morti.

 

 

Foto: articolo21.org