Ant acabau totus de scrutinai is schedas eletoralis po is eletzionis regionalis de sa Sardigna ma in beridadi ancora non funt cumpletus is arresultaus. Custu poita in calencunu segiu, degi po nai beni, ddu at prus de unu problema. Unu, massimamenti, non est mai sussediu: in Budoni, chi tenit cincu setzionis aunia votai, manc’una de custas at acabau!

Schedas biancas, cussas chi non balint, e preferentzias, chi non si scit beni po chini funt, faint nasciri dudas mannas. C’at de nai puru ca su numuru de cussus chi ant votau non funt su propriu de su numuru de is schedas. “Trabagliu” tostau meda cussu de presidenti, segretariu e scrutadoris, meda bortas tocat a ddu sciri fairi beni poita ca funt pagaus pagu po cussu chi erriscant. Is schedas imoi ce dd’ant acabada in su Tribunali de Tempio aunia funt contendu prus de tres mila schedas.

In atras citadis problemas po trintaseti listas, is presidentis de is segius ant mandau totu a is uficius de is circoscritzionis aunia e de inigui ant essi mandadas a s’uficiu centrali de sa Regioni in Corte d’appello.

 

Foto: bing.com