Is birras artigianalis de sa Sardigna funt tra is meglius chi ci siant in Italia. A ddu nai est sa giuria internatzionali de “Birra de s’annu”, su cuncursu aprontau de Unionbirrai – sotziu de chini fait birra artigianali in Italia – chi fut in programa sabudu passau. Centu funt is giuigis po cuasi duamila birras chi funt in gara. Funt corantunu is categorias e 327 is artigianus de sa birra. Po dognua de is categorias funt stetias scioberadas tres birras.
Is marchigianus de sa Mukkeller funt is prus bravus de s’Italia ma in su palcu de sa fiera de Rimini funt bessius finas cuatru birraius sardus. Medaglia de oru po sa birra 50Nodi de P3 Brewing Company di Sassari po is birras English Ipa, ina sa matessi categoria est erribada tertza sa Nibati de su birrificiu Terrantiga de Santu Sparau chi at bintu finas una medaglia de prata in sa categoria de is birras fatas cun cerealis specialis. Atras duas medaglias, de bruzu custa borta, funt andadas a su Birrificio 4Mori de Guspini e a su Birrificio Mediterraneo de Carbonia.
Foto: tiscali.it
