“Mi ddus aspetaia is atacus contras de mei, ma non m’aspetaia custus fueddus e is cosas fartzas chi ant nau. Pensu chi po calencunu de is parlamentaris europeus sa chistioni de martis passau podit essiri s’urtima puru”. Aici narat Giusepu Conte, su presidenti de su guvernu italianu, chistionendu cun su Corriere della Sera de is atacus de una pariga de deputaus de Strasburgo. Su prus tostau de totus cussu de Guy Verhofstadt chi at nau ca Conte est “su buratinu de Salvini e Di Maio”
“Sa genti chi m’at atacau – at sighiu a nai su presidenti – est figlia de una politiga becia. Su bentu nou ddus at a ponni a una parti. Mi dispragit feti ca, po mi ndi boddiri, ant nau una surra de cosas fartzas comenti cussa ca feus morri is pipius in mari e ca difendeus Nicolas Maduro”. Su capu de guvernu chistionat puru de s’amicitzia cun sa Francia e de s’atobiu de Di Maio cun is “gilet grogus”: “Ddu as atobiaus poita, pragiat o non pragiat, funt una novidadi, e ddus atobiaus comenti capu politigu e non numurus dus de su guvernu!”.
Foto: wikipedia.org
