Funt torraus in Italia is orrestus de dogi italianus mortus in Russia in sa Segunda guerra mondiali. S’agataiant in Kirov chi est a otugentus chilometrus de Mosca in d’unu cofu aunia ddue furint is ossus de atrus milli e seigentus sordaus chi at essi dificili meda a ddis donai unu nomini. Est una pagina noa de is contus de is sordaus italianus in Russia, is meritus mannus andant a is sotzius chi si funt postus a suta de sa siglia “Italian recovery team”.
Funt medissimus is sordaus italianus mortus in Russia, prus de bintilmila. Su coffu cun is orrestus de is sordaus est a su costau de sa ferrovia de Kirov, chi est una citadi aunia is sovieticus iant fatu nasciri campus de trabagliu po is militaris impresonaus de sa “Armata Rossa”. Meda de custus non ce dd’ant fata a biviri is cunditzionis de vida de-i custu campu e si funt mortus chena nudda. Fini legia po piciocus mandaus a fairi una guerra chi non serbiat a issus.
Foto: anpicatania.wordpress.com
