At essi Franciscu Desogus de is Steddaus su primu de is candidaus a sa presidentzia de sa Regioni chi eus agatai in sa scheda eletorali de su 24 de friargiu candu eus a votai. S’ordini de is nominis de is candidaus dd’ant sortegiau eriseru in s’uficiu regionali de sa Corte d’Appello de Casteddu. A sighiri su nomini de Desogus ant essi cussu de su candidau de su centrudrestra Christian Solinas, in segus Vindice Lecis de sa Sinistra Sarda, Massimu Zedda de is Progressistas de Sardigna, Pàulu Maninchedda de su Partidu de is Sardus e dapoi Màuru Pili de is Sardi Liberi e Andria Murgia de Autodeterminatzione. Su matessi uficiu at finas sortegiau s’ordini chi eus a biri in is listas chi funt cun in candidaus de su centrudrestra e centrumanca, Solinas e Zedda, poita feti cussus tenint listas chi ddus apogiant.
Foto: sardiniapost.it
