S’italiana Sofia Goggia at bint usa medaglia de oru in sa calada libera in is giogus olimpicus de s’ierru d Pyeongchang in Corea de su Nord. A palas de sa picioca bergamasca funt erribadas sa norvegesa Mowinckel e s’americana de is Stadus Unidus Vonn. Po s’Italia custa est sa tertza medaglia de oru e se dde noi in totu in custus giogus.
“Non sciu ancora su chi apu fatu, fui aici cuncentrada in pissu de sa calada ca non agatu mancu is fueddus. Custa vitoria est totu po mei, po sa bidda mia e po sa genti chi bolit beni a Sofia, finas candu non binciu peruna medaglia a is Olimpiadis”, custus funt is primus fueddus de sa Goggia pustis airi bintu.
“Torru gratzias a chini at cretiu a una pipia chi a ses annus bisaiat de binciri is Olimpiadis in su nì de Foppolo – at aciuntu sa medaglia de oru bergamasca -. In custa Olimpoiadi non apu intendiu perunu obligu de binciri ca fui cuncentrada meda in si cosas chi depia fairi. Oi apu cicau de essiri una samurai e ce dd’apu fata”.
Foto: Bergamonews
