“Custu non est unu guvernu de tecnicus, si sbagliat a nai aici. Est genti chi connoscit sa materia chi si depint pigai, ma tenint conca e coru, non funt de-i cussus chi faint feti is contus e no nde ddis frigat nudda de s’orrestu”.
Aici su candidau a essiri presidenti de su Guvernu Luisu Di Maio at nau eriseru chistionendu a s’Eur de Roma aunia at presentau is ministrus chi ddi ant fairi cumpangia chi su Movimentu Cincu Steddas bincit is eletzionis. “Seus fendu una cosa chi non eus mai fatu in sa storia de s’Italia. S’idea de presantai inderetura is ministrus est de su 2014 e dda ia tenta Casaleggio. Custu non est unu Guvernu a sa lugi de su soli”.
At sighiu, insaras, arregodendu a totus: “In medas nos ant pigau in giru, ma de su cincu de martzu eus essiri nosu a erriri”.
Custa est sa lista chi Di Maio at mandau a su presidenti de sa Repubblica: Emanuela Del Re a is Esteri, Alfonso Bonafede de Mazara del Vallo a sa Giustissia, Baroni Giuliano de Brindisi a sa Scola, Elisabetta Trenta de Velletri a sa Difesa, Andria Roventini de Modena a s’Economia, Pascuali Tridico de Cosenza a su Trabagliu, Armando Bortolazzi de Roma a sa Saludi, Mauru Coltorti de Jesi a is Trasportus, Sergiu Costa de Napoli a s’Ambienti, Dominigu Fioravanti de Novara a su Sport, Peppi Conte de Foggia a sa Pubrica Aministratzioni, Arricardu Fraccaro de Treviso a is Cuntatus cun su Parlamentu, Paola Giannetakis de Perugia a is Internus, Alisandra Pesce de Roma a s’Agricoltura, Albertu Bonisoli de Mantova a su Turismu, Filomena Maggino de Foggia a sa Calidadi de sa vida.
Foto: askanews.it
