“Andai a votai imoi iat essi de macus, creu chi in calencunu modu si depat fairi unu guvernu chi possat durai finas un’annu o dus. Dda biu dificili meda cussa de fairi unu guvernu politicu chi durit po cinc’annus”. Giuanni Toti, guvernadori de sa Liguria, consiglieri politicu de Sirviu Berlusconi e de sempiri cretiu acanta de Mateu Salvini e a sa Lega, non pensat a is votatzionis comenti sa pensada giusta. Intervistau de Massimo Giannini po “Circo Massimo” in s’arradiu Radio Capital, Toti narat: “ca est possibili agatai calencuna cosa de fairi paris tra is Steddaus e su centrudresta, sonumancu cun sa bona volontadi. Nd’est sa prova po cussu chi eus fatu cun is presidentis de Camera e Senau”.
De sempiri Toti est de s’idea chi su centrudresta iat depit essiri unu partidu solu e a Giannini at finas nau ca s’acordiu de Salvini cun Berlusconi at andai ainnanti po meda tempus.
Foto: sanremonews.it
