Is biddas sardas de montagna, prus che a totu cussas chi s’agatant in Barbagia e in s’Ogliastra si ndi funt scidadas custu mengianu a suta de su nì. Est erribau in Fonne, Desulu, Tonara, Aritzo, Biddanoa, Biddamanna, Seui e Arzana ma su nì est calau finas in cussas biddas chi s’agatant a suta de is setigentu metrus de artaria. Frocus de nì funt erribaus a Lanusei, Ovodda, Teti. In sa strada Nugoro-Lanusei, de s’incrociu de Biddamanna a-i cussu pop Mamoiada si podit andai feti cun is cadenas o cun is gomas de s’ierru. Funt in caminu de su primu mengianu is machinas chi spainant Sali e cussas chi ndi tirant su nì de is stradas, prus che a totu in sa provinciali Fonne-Desulu. Perunu problema, po imoi, in sa Carlo Felice, aunia, bia Campeda ddu est sempiri stetiu calencuna cosa de fairi ma ancora no est niau meda e poderat beni. Scolas serradas in medissimas biddas e is corrieras funt abarradas frimas e po custu is studentis non ant possiu viagiai.

Sa Politzia stradali de Nugoro s’arrecumandat cun chini umperat sa machina po andai de una parti a s’atera “de andai a bellu e a donai croba a totu”.

 

 

Foto: Sonia Deidda