“Salvini at nau cosas chi non si podint intendiri, cosas chi faint mali a totus e chi non podeus furriai sa faci candu ddas intendeus”. Finas su guvernadori de sa Regioni Sardigna Franciscu Pigliaru narat sa propria apustis is fueddus de su ministru de s’internu Salvini, chi bolit contai totu is rom chi funt in Italia.

Pigliaru at scritu in Facebook, aunia at cundividiu su messagiu de su sindigu beciu de Terranoa Giuanni Pedru Scanu.

Scanu iat scritu ca “de sempiri soi de sa parti de is urtimus. Soi acostau de is poburus, podint essiri de nord o de su sud o de calechisiat logu. Soi acostau de is imigraus, de cussus chi si fuint de is natzionis insoru po guerras e po famini, de is nomadis e de cussus chi funt in is orus de sa sociedadi”. Serrat su post de Scanu pedendu a Salvini de schedai a issu puru poita non si ndi bolit scaresciri comenti unu chi no at fatu nudda.

 

 

 

Foto: blitzquotidiano.it