Comenti dogna annu su Tar at scrocorigau su calendariu de sa cassa fatu de sa Regioni. Su giuigi Lucretziu Caro Monticelli at decidiu, segundu un’arrecursu de s’abogau Carrulu Augustu Melis po Gruppo di intevento giuridico, Lega per l’abolizione della Caccia, Lega anti vivisezione, Wwf e Lipu, de non fari cassai su lepuri sardu, sa perdigi e su conigliu chi s’assessori regionali a s’ambienti, cun d’unu decretu, iat cuncediu.
In aturus fueddus, sa Regioni – po is sotzius chi ant cicau is giuigis – at donau su permissu a is cassadoris po su 30 de Cabidanni e po su 7 de Mesi de talamini, chena sciri chi is animalis funt in screscita o in calu.
Non finit aici poita giai cras sa Regioni s’at a fairi intendiri cun is abogaus proprius po cicai de fiari balliri is arregionis suas. Chi is giuigis ant a sighiri, comenti parit scontau, sa linia de Monticelli is cassadoris in cussas dis s’ant a cicai atra cosa de fairi.
Foto: corrieredellumbria.corr.it
