Su Tar Sardegna donat arregioni a is sotzius ambientalistas chi iant morrungiau contras su calendariu de cassa de sa Regioni fatu connosciri su 20 de triulas passau. S’assessorau a s’ambienti iat decidiu de fairi cassai su lepuri e sa perdigi in is dìs de su 30 de cabidanni e de su 7 de Santu Aine. Is giugis ant nau ca giai a sa tesi de s’abogau Carrulu Augustu Melis Costa chi at trabagliau po Su Grig, Lega Ambiente, Wwf, lega po sa serrada de sa cassa e Lav.
Su Tribunali aministrativu, cumandau de Danti D’Alessio paris a Giorgiu Manca e Giuanniluca Rovelli, at ritenniu balentis is arregioni po ndi tirai custas duas dis de cassa po su lepuri e sa perdigi.
Po is giugis, a sa lugi de is studius fatus, sa Regioni non depiat ponni cussas duas dis de cassa, ancora, a dogna manera sa partida non est serrada e imoi sa bocia passat a su Consigliu de su Stadu, poita sa Regioni non s’arrendit.
Foto: noncacciamo.wordpress.com
